၂၇၊ အောက်တိုဘာလ။
ဘင်္ဂလားပင်လယ်အော် အတွင်းက လေဖိအားနည်းရပ်ဝန်းဟာ ဆိုင်ကလုန်းမုန်တိုင်း မွန်ထာအဖြစ်ကို ရောက်ရှိလာပြီဖြစ်ပြီး မကြာခင်မှာ အားကောင်းတဲ့ဘဆိုင်ကလုန်းမုန်တိုင်းအဖြစ် ပြောင်းလဲလာနိုင်တယ်လို့ မိုးဇလ ဌာနက သတင်းထုတ်ပြန်ထားပါတယ်။
ဒီဆိုင်ကလုန်းမုန်တိုင်း မွန်ထာရဲ့ သက်ရောက်မှုကြောင့် ဧရာဝတီတိုင်းအတွင်းမှာ နေရာကျဲကျဲ မိုးထစ်ချုန်းရွာဖို့ရှိနေပြီး မြစ်ဝကျွန်းပေါ်နဲ့ ကမ်းလွန်ပင်လယ်ပြင်တွေမှာတော့ မိုးသက်လေပြင်းကျပြီး လှိုင်းကြီးနိုင်တယ်လို့ မိုးဇလပညာရှင်တွေက ခန့်မှန်းထားကြပါတယ်။
“ ပင်လယ်ထွက်မယ့်သူတွေ ဂရုစိုက်ဖို့လိုတယ်။ မိုးသက်လေပြင်းကျချိန်မှာမြေပြင်၊ရေပြင်လေဟာ ၃၅ မိုင်ထိရှိနိုင်တယ်။ လှိုင်းအမြင့်ဟာ ၁၁ ပေထိရှိနိုင်ပါတယ် ” လို့ မိုးဇလ ဝန်ထမ်းတဦးက ဆိုပါတယ်။
ဒီဆိုင်ကလုန်းမုန်တိုင်းဟာ မြန်မာနိုင်ငံကိုဝင်ရောက်
ဖို့ မရှိသေးပေမယ့် မုန်တိုင်းသက်ရောက်မှာတွေတော့ ရှိနေမှာဖြစ်ပြီး မိုးလွန်ကာလ မိုးထစ်ချုန်းပြီး မိုးကြိုးပစ်တာ၊ လေပြင်းတိုက်ခတ်တာ၊ မိုးသီးကြွေတာ စတဲ့ဖြစ်စဉ်တွေကိုလည်း ဂရုစိုက်ကြဖို့ မိုးဇလ ပညာရှင်တွေက သတိပေးထားပါတယ်။