မက္ကဆီကိုမှာ ပျောက်ဆုံးသူ ၁၃၀,၀၀၀ ကျော်ရှိပြီး အများစုဟာ သမ္မတဟောင်း ဖီလီပီ ကာဒိုရွန်ရဲ့ မူးယစ်ဆေးနှိမ်နင်းရေး စီမံချက်စတင်ခဲ့တဲ့ ၂၀၀၇ ခုနှစ်ကတည်းက ဖြစ်ပါတယ်။
၃၁ ၊ ဩဂုတ်လ
အခုသီတင်းအတွင်း မက္ကဆီကိုနိုင်ငံတလွှား လူထောင်ချီ ဆန္ဒပြခဲ့ကြပြီး ၁၈နှစ်အတွင်း လူသိန်းချီပျောက်ဆုံးမှုတွေနဲ့ ပတ်သတ်လို့ အာဏာပိုင်တွေအနေနဲ့ တာဝန်ယူ ကိုင်တွယ် ဖြေရှင်းပေးဖို့ တောင်းဆိုခဲ့ကြပါတယ်။
ပျောက်ဆုံးသူတွေရဲ့ မိသားစုတွေနဲ့ မိတ်ဆွေတွေအပြင် လူ့အခွင့်အရေးတက်ကြွလှုပ်ရှားသူတွေဟာ ဂွာဒါလာဟာရာ ၊ ကိုဒိုဘာနဲ့ တခြားမြို့တွေမှာ ချီတက်ဆန္ဒပြခဲ့ကြပြီး ပျောက်ဆုံးသူတွေကို ကူညီရှာဖွေပေးဖို့နဲ့ တရားမျှတမှုအတွက် သမ္မတ ကလောက်ဒီယာ ရှိန်းဘောင်း အစိုးရကို တိုက်တွန်းခဲ့ကြပါတယ်။
မက္ကဆီကိုမှာ ပျောက်ဆုံးသူ ၁၃၀,၀၀၀ ကျော်ရှိပြီး အများစုဟာ သမ္မတဟောင်း ဖီလီပီ ကာဒိုရွန်ရဲ့ မူးယစ်ဆေးနှိမ်နင်းရေး စီမံချက်စတင်ခဲ့တဲ့ ၂၀၀၇ ခုနှစ်ကတည်းက ဖြစ်ပါတယ်။
ပျောက်ဆုံးသွားတဲ့ဖြစ်စဉ်အများစုကတော့ မူးယစ်ဂိုဏ်းတွေရဲ့ အဓ္ဓမလူသစ်စုဆောင်းခံရတာ ဒါမှမဟုတ် ပြန်ခုခံလို့ အသတ်ခံလိုက်ရတာ ဖြစ်တယ်လို့ သိရပါတယ်။
မူးယစ်ဂိုဏ်းတွေနဲ့ ရာဇဝတ်အုပ်စုတွေက အဓိက ကျူးလွန်သူတွေ ဖြစ်ကြပေမယ့် တချို့ သေဆုံးမှု ၊ ပျောက်ဆုံးမှုတွေ နဲ့ပတ်သတ်လို့ လုံခြုံရေးတပ်ဖွဲ့ဝင်တွေကို အပြစ်တင်ခဲ့ကြပါတယ်။
မက္ကဆီကိုဖြစ်စဉ်ဟာ လူသားတွေအတွက် ကြီးမားတဲ့ ဖြစ်ရပ်ဆိုးတခု ဖြစ်တယ်လို့ ကုလသမဂ္ဂက မှတ်ချက်ပြုခဲ့ပါတယ်။
မက္ကဆီကိုနိုင်ငံရဲ့ လူပျောက်စာရင်းဟာ လက်တင်အမေရိကနိုင်ငံတချို့ရဲ့ အဆိုရွားဆုံး သေဆုံးမှုတွေထက် ပိုများပါတယ်။
ဂွါတီမာလာနိုင်ငံမှာ ၁၉၉၆ ခုနှစ်က ပြီးဆုံးခဲ့တဲ့ ၃၆နှစ်ကြာ ပြည်တွင်းစစ်အတွင်း လူပေါင်း ၄၀,၀၀၀ ဝန်းကျင်ပျောက်ဆုံးခဲ့ပြီး အာဂျင်တီးနားမှာလည်း ၁၉၇၆ ခုနှစ်ကနေ ၁၉၈၃ ခုနှစ်အထိ စစ်အာဏာသိမ်းကာလအတွင်း ခန့်မှန်းခြေ လူ ၃၀,၀၀၀ ပျောက်ဆုံးခဲ့ပါတယ်။
Ref – BBC