ကျိုက်လတ်မှာ အိုင်အိုဒင်းဆားကိုသာ သုံးဖို့ စစ်ဆေးအသိပေးနေ

“ဆားကြမ်းတွေမှာ ဘယ်လိုမျိုး ဓာတုဗေဒဆေးတွေပါဝင်ပြီးတော့ ကျန်းမာရေးအတွက် ဘယ်လိုဆိုး ကျိုးသက်ရောက်မှုတွေရှိတယ်ဆိုတာကိုတော့ လိုက်လံစစ်ဆေးသူတွေက သေချာရှင်းမပြခဲ့ဘူးလို့ ကျိုက်လတ်မြို့နယ်က ကုန်စုံဆိုင်ပိုင်ရှင်တဦးက ပြောပါတယ်။”

၃၁၊သြဂုတ်။

ဧရာဝတီတိုင်း ၊ ကျိုက်လတ်မြို့နယ်မှာ စစ်တပ်လက်အောက်ခံ ဌာနဆိုင်ရာပူးပေါင်းအဖွဲ့က ဈေးဆို င်တွေမှာ အိုင်အိုဒင်းဆားကိုသာ ရောင်းချပေးရန်နဲ့ ဆားကြမ်းတွေကို စားသုံးဖို့အတွက် ရောင်းချခြင်းမပြုလုပ်ရန် လိုက်လံအသိပေးတာတွေ ၊ စစ်ဆေးတာတွေ လုပ်ဆောင်နေတယ်လို့ ဒေသခံတွေက ပြောပါတယ်။

“ပါဆယ်အိပ်တွေနဲ့ ထုတ်ပိုးရောင်းတဲ့ ဆားကြမ်းတွေမှာ ဓာတုဗေဒပစ္စည်းတွေပါတယ်လို့ ပြောတယ်။ အဲဒါတွေမရောင်းနဲ့ဆိုပြီး ဖျက်ဆီးပစ်တာမျိုး ၊ အရည်အသွေးကောင်းတဲ့ ပါကင်ထုတ် အိုင်အိုဒင်းဆား တွေပဲ ရောင်းရမယ် ၊ ဒီဆားကြမ်းတွေ ဘယ်ကဝယ်တာလဲ အဲလိုမျိုးတွေပါ စစ်တယ်”လို့ ဒေသခံတဦးက ပြောပါတယ်။

လိုက်လံစစ်ဆေးသူတွေဟာ ကျိုက်လတ်မြို့ပေါ်အပြင် မြို့နယ်အတွင်း တိုက်နယ်အဆင့် ကျေးရွာတွေအ ထိ ဆားအရည်အသွေးနဲ့ ပတ်သက်လို့ လိုက်လံစစ်ဆေးခဲ့တာပါ။”အိမ်သုံးဆားကြမ်းရောင်းတာတွေ့ရင် ဒါဘယ်ကဝယ်တာလဲ ၊ ဘာလဲ ညာလဲ စစ်ရော ။ အရေးယူတာမျိုးတော့မရှိပါဘူး”လို့ ဒေသခံက ပြောပါတယ်။

ဆားကြမ်းတွေမှာ ဘယ်လိုမျိုး ဓာတုဗေဒဆေးတွေပါဝင်ပြီးတော့ ကျန်းမာရေးအတွက် ဘယ်လိုဆိုး ကျိုးသက်ရောက်မှုတွေရှိတယ်ဆိုတာကိုတော့ လိုက်လံစစ်ဆေးသူတွေက သေချာရှင်းမပြခဲ့ဘူးလို့ ကျိုက်လတ်မြို့နယ်က ကုန်စုံဆိုင်ပိုင်ရှင်တဦးက ပြောပါတယ်။

ဧရာဝတီတိုင်းမှာတော့ ဆားကြမ်းကို အိမ်သုံးဆားအနေနဲ့ သုံးစွဲသူရှိသလို ငါးပိ ၊ ငါးခြောက်ပြုလုပ်တဲ့ နေရာတွေ ၊ သားငါးတွေကို ရေခဲနဲ့ရောနှောပြီး မပုတ်မသိုးအောင် လုပ်ဆောင်တဲ့နေရာမှာလည်း အသုံး ပြုပါတယ်။

“အိုင်အိုဒင်းဆားကို စားရမယ်ဆိုတာကို အများသိပါတယ်။ ဒါပေမဲ့လည်း ဈေးကွာတော့ ဆားကြမ်းကို စားတဲ့လူလည်း ရှိတာပဲ။ အခု ဆားကြမ်းစားလို့ လိုက်သိမ်းတယ်ဆိုတော့ ဆားကြမ်းသုံးတဲ့ ကုန်ထုတ် လုပ်မှုတွေမှာ ခတ်ခဲသွားနိုင်တယ်”လို့ ကုန်စုံ ဆိုင်ပိုင်ရှင်ကဆက်ပြောပါတယ်။

ဧရာဝတီတိုင်းမှာက ဆားထွက်နှုန်း ၅၀ ရာခိုင်နှုန်း ကျော်အထိ လျော့ကျသွားတဲ့နောက် ဆားဈေးနှုန်းဟာ လည်း သိသိသာသာမြင့်တက်မှုတွေ ရှိလာခဲ့ပါတယ်။ ၂၀၂၀/ ၂၀၂၁ ဘဏ္ဏာနှစ်က ဆားကြမ်းပိသာချိန် တသိန်းကို ကျပ်သိန်း ၁၅၀ ရှိခဲ့ရာက ၂၀၂၄ /၂၀၂၅ ဘဏ္ဏာ နှစ်မှာ ဆားကြမ်း ပိသာချိန် တသိန်းကို သိန်း၉၀၀ ဝန်းကျင်ထိမြင့်တက်သွားပါတယ်။

ဧရာဝတီတိုင်းမှာ ငပုတော၊ လပွတ္တာနဲ့ ဒေးဒရဲမြို့န ယ်မှာ နေလှန်းဆားအများအပြား ထုတ်လုပ်ပြီး ၊ ပုသိမ် ၊ မြောင်းမြ ၊ လပွတ္တာ ၊ ဝါးခယ်မနဲ့ ဒေးဒရဲမြို့မှာ ဆားကြမ်းတွေကို ကြိတ်ခွဲပြီး အချောပြန်လည် ထုတ်လုပ်ပါတယ်။

#ကျိုက်လတ် #အိုင်အိုဒင်းဆား #သုံးဖို့ #စစ်ဆေးသတိပေး #ဧရာဝတီတိုင်းဒေသကြီး #DeltaNewsAgency #DNA

Delta News Agency Telegram – https://shorturl.at/lxKMR
Delta News Agency YouTube – https://shorturl.at/ahBL2
Delta News Agency Website – https://shorturl.at/ozAIM
Delta News Agency Podcast – https://shorturl.at/epwzH