ကြာသပတေးနေ့ညပိုင်းမှာ ရဲကားဝင်တိုက်လို့ အသက် ၂၁နှစ်အရွယ် မော်တော်ဆိုင်ကယ် တက္ကစီယာဉ်မောင်း သေဆုံးသွားပြီးနောက် တနိုင်လုံးမှာလူထုအုံကြွမှုတွေ ပိုမိုအရှိန်မြင့်လာခဲ့ပါတယ်။
၃၀ ၊ ဩဂုတ်လ။
ပြီးခဲ့တဲ့ ရက်ပိုင်းအတွင်း အင်ဒိုနီးရှားနိုင်ငံတလွှားမှာ လူထုဆန္ဒပြပွဲတွေ ခပ်စိပ်စိပ် ဖြစ်လာနေပြီး မြို့တော်ဂျာကာတာကစလို့ တခြားမြို့တွေဆီကို လျင်လျင်မြန်မြန်ပျံ့နှံ့နေပါတယ်။
ဩဂုတ်လ ၂၉ရက်နေ့က ဂျာကာတာမြို့မှာ ရဲတပ်ဖွဲ့ဝင်တွေနဲ့ ဆန္ဒပြသူတွေအကြား အဓိကရုဏ်းဖြစ်ပွားခဲ့ပါတယ်။
ဆန္ဒပြသူတွေဟာ အကာအရံပစ္စည်းတွေကို မီးရှို့တာ ၊ မိုလိုတော့တွေ မီးရှုးမီးပန်းတွေနဲ့ ပစ်ပေါက်ခဲ့ပြီး ရဲတပ်ဖွဲ့ကလည်း မျက်ရည်ယိုဗုံးတွေနဲ့ ပြန်လည်ပစ်ခတ်ခဲ့ပါတယ်။
အစောပိုင်းမှာတော့ အလုပ်အကိုင်ရှားပါးမှု ၊ လူနေမှုစရိတ် မြင့်မားမှုနဲ့ လွှတ်တော် အမတ်တွေကို ထောက်ပံ့ကြေးလစဉ် ရူပီးယား ၅၀ မီလီယံ ပေးမယ့် အစီအစဉ် စတာတွေကို ဆန္ဒပြခဲ့ကြတာပါ။
အဆိုပါပမာဏဟာ အင်ဒိုနီးရှား အခြေခံလုပ်အားခထက် ၁၀ဆ ပိုများတာကြောင့် အင်ဒိုနီးရှားလွှတ်တော်ဟာ ဝေဖန်မှုတွေနဲ့ ရင်ဆိုင်နေရတာ ဖြစ်ပါတယ်။
ကြာသပတေးနေ့ညပိုင်းမှာ ရဲကားဝင်တိုက်လို့ အသက် ၂၁နှစ်အရွယ် မော်တော်ဆိုင်ကယ် တက္ကစီယာဉ်မောင်း သေဆုံးသွားပြီးနောက် တနိုင်လုံးမှာလူထုအုံကြွမှုတွေ ပိုမိုအရှိန်မြင့်လာခဲ့ပါတယ်။
တက္ကဆီယာဉ်မောင်း သေဆုံးတဲ့ ဖြစ်စဉ်နဲ့ ပတ်သတ်ပြီး Mobile Brigade Corps ရဲတပ်ဖွဲ့ဝင် ၇ဦးဟာ ရဲကျင့်ဝတ်ဖောက်ဖျက်ကျူးလွန်ကြောင်း တွေ့ရှိခဲ့ပြီးနောက် တာဝန်မှ ရပ်နားထားကြောင်း အင်ဒိုနီးရှား အမျိုးသားရဲတပ်ဖွဲ့က ပြောပါတယ်။
အင်ဒိုနီးရှား သမ္မတ ပရာဘိုဝို ဆူဘီယံတို က အဆိုပါဖြစ်ရပ်နဲ့ ပတ်သတ်လို့ တောင်းပန်ကြောင်း တရားဝင်ကြေညာချက် ထုတ်ပြန်ခဲ့ပြီး အရာရှိတွေရဲ့ အလွန်အကျွံလုပ်ရပ်တွေကြောင့် စိတ်ပျက်မိကြောင်း ပြောခဲ့ပါတယ်။
ဒါဟာ သမ္မတ ပရာဘိုဝို ဦးဆောင်တဲ့ အစိုးရအတွက် ပထဆုံး ကြီးမားတဲ့ စိန်ခေါ်မှုတခု ဖြစ်ပါတယ်။
စစ်ဗိုလ်ချုပ်ကြီးဟောင်းဖြစ်တဲ့ အသက် ၇၃နှစ်အရွယ် ပရာဘိုဝိုဟာ ဆယ်စုနှစ်ချီကြာအောင် လူ့အခွင့်အရေးချိုးဖောက်မှုတွေလုပ်ခဲ့သူအဖြစ် စွပ်စွဲခံထားရသူလည်း ဖြစ်ပါတယ်။
Ref – BBC