စစ်လက်နက်တွေ ဖယ်ရှားဖို့ ၊ ရွေးကောက်ပွဲ ကျင်းပဖို့ ၊ အစ္စရေးရဲ့ တည်ရှိမှုကိုလည်း ဆက်ပြီး အသိအမှတ်ပြုဖို့ အပါအဝင် ကတိကဝတ်တွေကို ပါလက်စတိုင်းအာဏာပိုင်အဖွဲ့ (PA) ဆီက ရရှိပြီးနောက် အခုလို ဆုံးဖြတ်ခဲ့တာလို့ ဩစတြေးလျ ဝန်ကြီးချုပ် အန်တိုနီ အယ်လ်ဘာနီက ဒီကနေ့ ဩဂုတ်လ ၁၁ ရက်နေ့မှာ ပြောပါတယ်။
၁၁ ၊ ဩဂုတ်လ။
လာမယ့် စက်တင်ဘာလမှာ ပါလက်စတိုင်းကို နိုင်ငံတခုအဖြစ် အသိအမှတ်ပြုသွားမယ်လို့ ဩစတြေးလျအစိုးရက ကြေညာလိုက်ပါတယ်။
ဒီ့မတိုင်ခင် ဗြိတိန် ၊ ပြင်သစ်နဲ့ ကနေဒါတို့ကလည်း အလားတူ ဆုံးဖြတ်ထားကြပါတယ်။
စစ်လက်နက်တွေ ဖယ်ရှားဖို့ ၊ ရွေးကောက်ပွဲ ကျင်းပဖို့ ၊ အစ္စရေးရဲ့ တည်ရှိမှုကိုလည်း ဆက်ပြီး အသိအမှတ်ပြုဖို့ အပါအဝင် ကတိကဝတ်တွေကို ပါလက်စတိုင်းအာဏာပိုင်အဖွဲ့ (PA) ဆီက ရရှိပြီးနောက် အခုလို ဆုံးဖြတ်ခဲ့တာလို့ ဩစတြေးလျ ဝန်ကြီးချုပ် အန်တိုနီ အယ်လ်ဘာနီက ဒီကနေ့ ဩဂုတ်လ ၁၁ ရက်နေ့မှာ ပြောပါတယ်။
“အရှေ့အလယ်ပိုင်းမှာ အကြမ်းဖက်မှုတွေ သံသရာလည်နေတာ ရပ်တန့်ဖို့နဲ့ ဂါဇာမှာ ပဋိပက္ခတွေ ၊ ဘေးဒုက္ခတွေနဲ့ ငတ်မွတ်ခေါင်းပါးမှုတွေ အဆုံးသတ်နိုင်ဖို့အတွက်
နှစ်နိုင်ငံယှဉ်တွဲရေးမူက လူသားတွေအတွက် အကောင်းဆုံးမျှော်လင့်ချက်ပဲ” လို့ သူက မှတ်ချက်ပြုခဲ့ပါတယ်။
ပါလက်စတိုင်းကို လွတ်လပ်တဲ့နိုင်ငံအဖြစ် အသိအမှတ်ပြုတာက ကိုယ်ပိုင်အုပ်ချုပ်ခွင့်အတွက် ပိုမိုထောက်ပံ့လာကြတာကို မီးမောင်းထိုးပြနေတယ်လို့ ပါလက်စတိုင်းအာဏာပိုင်အဖွဲ့က (PA) ကအစောပိုင်းမှာ ပြောခဲ့ပါတယ်။
အစ္စရေးကတော့ အဆိုပါဆုံးဖြတ်ချက်ဟာ အကြမ်းဖက်ဝါဒကို ဆုချတာပဲလို့ ပြင်းပြင်းထန်ထန် တုံ့ပြန်ခဲ့ပါတယ်။
ပါလက်စတိုင်းကို အချုပ်အခြာပိုင်နိုင်ငံအဖြစ် အနည်းဆုံး နိုင်ငံပေါင်း ၁၄၀ က အသိအမှတ်ပြုထား ကြပြီး အစောပိုင်းမှာတော့ ဗြိတိန်၊ ပြင်သစ်၊ ဂျာမဏီနဲ့ ဩစတြေးလျနိုင်ငံအပါအဝင် နိုင်ငံတော်တော် များများက အသိအမှတ်မပြုခဲ့ကြပါဘူး။
Ref – BBC