ဒုတိယစာမျက်နှာရဲ့အစဟာ တိုင်းပြည်မှာ ၆၃ မြို့ နယ် အရေးပေါ် အခြေအနေ ကြေညာထားရတယ် ဆိုတာနဲ့ စပါတယ်။တကယ်တမ်း အရေးပေါ်နေတဲ့ အရေအတွက် အဲဒီထက်များပါတယ်။ ဥပမာ ဧရာဝတီတိုင်းထဲက လေးမျက်နှာ၊အင်္ဂပူ၊ ငါးသိုင်းချောင်းတို့ ကျန်ခဲ့သလိုမျိုးပေါ့။အညာနဲ့ မန္တလေး ၊ရှမ်းမြောက်မှာ များစွာကျန်ခဲ့ပါတယ်။
၃၊ဩဂုတ်လ။
အာဏာသိမ်း စစ်ကောင်စီဟာ ပြီးခဲ့တဲ့ ဇူလိုင်လ ၁ ရက်နေ့မှာ ရွေးကောက်ပွဲ ကျင်းပဖို့အတွက်ဆိုပြီး ကာကွယ်ရေးနဲ့လုံခြုံရေးကောင်စီကို အာဏာလွဲပေးလိုက်တယ် ဆိုပါတယ်။ကာလုံကို ဖွဲ့စည်းရာမှာလည်း အခြေခံဥပဒေက ပေးမထားတဲ့ ရုံးအဖွဲ့ဆိုတဲ့ ရာထူးတွေ ထပ်ခန့်ပါသေးတယ်။ ဒါနဲ့တင် စိတ်မချရသေးဘူးထင်ပြီး အမျိုးသားလုံခြုံရေးနဲ့ ကာကွယ် ရေးကော်မရှင်ဆိုပြီး စစ်တပ်ဗိုလ်ချုပ်ကြီးများ နဲ့ နောက်ထပ်တဖွဲ့ ထပ်ဖွဲ့ပါတယ်။
ဘောလုံးစကားနဲ့ ပြောရရင်တော့ လက်ရွေးစင်၊ယူ၂၁ ၊ယူ၁၉ စသဖြင့် ဖွဲ့ပုံမျိုးပါ။ အသင်းကတော့
တသင်းထဲပါ။ အာဏာရှင်သန်းရွှေက နဝတ ကနေ နအဖလို့ ပြောင်းပြီး အစိုးရအဖွဲ့ကို စိုးဝင်း၊
ခင်ညွန့်၊သိန်းစိန်တို့ကို ဝန်ကြီးချုပ်ရာထူးပေးခဲ့တဲ့ သဘောပါ။သူကတော့ နိုင်ငံတော်အကြီးအကဲပေါ့။
အာဏာရှင်မင်းအောင်လှိုင်ဟာ ဘာနဲ့တူသလဲဆိုရင် ကစားကွက်သစ် ချမကစားတတ်တဲ့ ဘောလုံးနည်းပြပါ။ ဗိုလ်ချုပ်နေဝင်း လက်ထက်ကလို ရွေး ကောက်ပွဲ အပိုင်းလိုက်ကျင်းပမယ်တို့ (လွန်ခဲ့တဲ့ ၂ နှစ်ကတော့ ရွေးကောက်ပွဲကို ကွက်ပြည့်ကျင်းပဖို့) ဘာညာပြောပါတယ်။ သူလုပ်သမျှဟာ သူ့ဆရာ ကြီးတွေရဲ့ အကွက်ဟောင်းတွေပါ။ နိုင်ငံရေးလောက်မပြောနဲ့ ရွှေးဈေး၊ဆန်ဈေး၊ဒေါ်လာဈေး၊ဆီဈေး စသည်ဖြင့် ကုန်ဈေးနှုန်းတက်ရင် ကုန်သည်ဖမ်းမယ်ဆိုတာလည်း သူ့ဆရာကြီးတွေ အကွက်ပါဘဲ။
အဲဒီတော့ သူအာဏာသိမ်းခဲ့တဲ့ စကစအဖွဲ့ပြီး နောက်ဘာတွေကျန်ခဲ့လဲဆိုရင် အဝတ်ဟောင်း တန်းတတန်း ပဲကျန်ခဲ့ပါတယ်။မြင်အောင်ပြောရရင်တော့ ကြည့်မြင်တိုင်ညဈေးက ဘေထုတ်စင်ပေါ့ ။ ခန့်လိုက်တဲ့ ကောင်စီလူကြီး၊ခန့်လိုက်တဲ့အကြံ ပေးအဖွဲ့၊ခန့်လိုက်တဲ့ဗိုလ်ချုပ်ကြီးတွေဟာ ခုတော့ ဖြုတ်ရအခက်၊ ဆက်ထားရလည်းခက်တော့ ဘေထုတ်အဝတ်တန်းကို တိုက်ပုံအင်္ကျီတွေ ရောက်သွားရသလိုမျိုးပါ။ထားတော့။
အာဏာရှင်မင်းအောင်လှိုင်ရဲ့ သူ့စကားနဲ့ပြောရရင် ပထမစာမျက်နှာရဲ့ နောက်ဆုံး ညစာစားပွဲကို
ကြည့်ရအောင်။
အဲဒီမှာ သူဘာစကားပြောလည်းဆိုတော့ တိုင်းပြည် မှာ ခုလိုမတည်မငြိမ် ဖြစ်နေတာက NLD အစိုးရရဲ့ မဲမသမာမှုကြောင့်ပါတဲ့။NLD အစိုးရသာ မဲမသမာမှုလုပ်ခဲ့ရင် သူအာဏာသိမ်းတာကို ဘယ်ပြည်သူမှ ဆန္ဒမပြပါဘူး။ဘယ်ပညာတတ် လူငယ်ကမှလည်း ထောင်ထဲမဝင်သလို လက်နက်ကိုင် တော်လှန်ရေးကိုလည်း အသက်နဲ့မရင်းပါဘူး။ သာသာယာယာနဲ့ စစ်တပ် ကိုလက်ခုပ်တီးပေမပေါ့။
အဲဒီတော့ အာဏာကိုဖြတ်လမ်းက ရယူချင်တာ ရွေးကောက်ခံ ကိုယ်စားလှယ်တွေလား စစ်တပ် လား အထွေအထူး ရှင်းစရာမလိုပါဘူး။ နောက်တချက်ကတော့ NLDအစိုးရလက်ထက်မှာ စီးပွားရေးနိမ့်ကျခဲ့ပြီး စကစ လက်ထက်မှာ စီးပွားရေးတိုးတက်ခဲ့တယ်ဆိုတဲ့ ကိစ္စပါ။ဒီစကားကို မြန်မာပြည်မှာရှိတဲ့ အိမ်ရှင်မတိုင်းကိုသာ မေးပါ။ဆန်တပြည် အနိမ့်ဆုံး၆၀၀၀ကျပ်၊စားအုန်းဆီတပိသာ ၁၂၀၀၀ ကျပ်၊ကြက်သား တပိဿာ ၂၅၀၀၀ ကျပ်။ကြက်ဥတလုံး၅၀၀ကျပ်၊ ကန်စွန်းရွက်တစီး၅၀၀ ကျပ်နဲ့ ဒီကုန်ဈေးနှုန်းက စီးပွားရေးတိုးတက်စရာလား။ခင်ဗျား အစိုးရဝန်ထမ်းတွေတောင် တလအကူငွေ ၆ သောင်းလောက်ပေးပြီးမဝရေစာ ကျွန်ခံခိုင်းနေရတာ မတွေးမိဘူးလား။
ပြည်သူတွေမှာ စစ်ဘေး၊ငလျင်ဘေးတွေနဲ့ဒုက္ခ မျိုးစုံကြားထဲ စစ်မှုထမ်းကောက်ခံငွေက လစဉ်ပေးရ။ ကုန်ဈေးနှုန်းဒဏ်ခံရ စတဲ့သောကမျိုးစုံ ကြားထဲမှာ နေပြည်တော်ကြီးမှာ ကျင်းပတဲ့ စကစ အောင်ပွဲညစာစားပွဲဟာ ခင်ဗျားတို့အတွက်တော့ အဟာရရှိလှပေါ့။
ပြည်သူကရော၊နိုင်ငံတကာကပါ ယုံကြည်မှုမရှိတဲ့ ရွေးကောက်ပွဲကို ကျင်းပဖို့အတွက် ထုတ်လိုက်တဲ့ ဥပဒေတွေကလည်း အာဏာရှင်တည်မြဲရေးအတွက်ပါပဲ။နောက်ဆုံးပြည်သူတွေရဲ့ လူ့အခွင့်အ ရေးတွေ ဆုံးရှုံးစေတဲ့ ဥပဒေတွေပါ ပါလာပါသေးတယ်။
စစ်ဖြစ်နေတဲ့တိုင်းပြည်မှာ ဘယ်စစ်တပ်ကမှ သေနတ်ကိုင်ပြီး ဒီမိုကရေစီနည်းကျရွေးကောက်ပွဲ ကျင်းပမယ်ဆိုတာ ဘယ်လိုမှ တရားမျှတမှာ မဟုတ်ပါဘူး။ပိုဆိုးတာက စစ်တပ်ဦးဆောင်နေတဲ့ နိုင်ငံရေးပါတီက ရွေးကောက်ပွဲဝင်ပြိုင်မှာ ဖြစ်လို့ပါ။ကိုယ့်ဖဲကိုချိုးပြီး ကိုယ့်ဖဲကိုယ့်အိမ်ဝေတော့ အချိန်တန် ကိုယ်ပဲဒေါင်းမှာ မဟုတ်လား။
လက်နဲ့မဲပေးတာတောင် မဲမသမာမှု ဆိုတော့ စက်နဲ့မဲပေးတော့လည်း ဒီစက်က ဘယ်သူ့ဆီကရတာ မဟုတ်လဲ။
ရှည်ရှည်ဝေးဝေးမပြောတော့ဘဲ ခင်ဗျားတို့ရဲ့ ဒုတိယစာမျက်နှာကို သွားရအောင်။
ဒုတိယစာမျက်နှာရဲ့အစဟာ တိုင်းပြည်မှာ ၆၃ မြို့နယ် အရေးပေါ် အခြေအနေ ကြေညာထားရတယ် ဆိုတာနဲ့ စပါတယ်။တကယ်တမ်း အရေးပေါ်နေတဲ့ အရေအတွက် အဲဒီထက်များပါတယ်။ ဥပမာ ဧရာဝတီတိုင်းထဲက လေးမျက်နှာ၊အင်္ဂပူ၊ ငါးသိုင်းချောင်းတို့ ကျန်ခဲ့သလိုမျိုးပေါ့။အညာနဲ့ မန္တလေး၊ရှမ်းမြောက်မှာ များစွာကျန်ခဲ့ပါတယ်။
အရေးမပေါ့် တပေါ်လို့လည်း ထင်ချင်ထင်မှာပေါ့။ စစ်တပ် လော်ဘီတွေကတော့ မိုးဗြဲ၊နောင်ချိုနဲ့
သပိတ်ကျင်းလောက် ရပြီးသကာလ ရက်ပေါင်း ၉၀အတွင်းစစ်တပ်က ကျဆုံးမြို့တွေ အကုန်ပြန်
သိမ်းမယ် ဆိုကြပါတယ်။ နောင်ချိုကိုရဖို့ ဘယ်နှလတိုက်ခဲ့ရသလဲ ဆိုတာသာပြန်ကြည့်ကြပါ။
စစ်တပ်က ကျင်းပမယ့်ရွေးကောက်ပွဲဟာ နိုင်ငံရေးအင်အားစု အားလုံးမပါဝင်နိုင်တဲ့အပြင်စစ်တပ် ရဲ့ အကြမ်းဖက်မှုတွေ မရပ်တန့်သေးတဲ့အတွက် ပဋိပက္ခတွေ ပိုမိုကြီးထွားလာနိုင်တယ်လို့ ကုလသ မဂ္ဂအပါအဝင် နိုင်ငံအချို့က သတိပေးထားပါတယ်။ဒါ့အပြင် ပြည်တွင်းက တိုင်းရင်းသားနက်နက်ကိုင် အဖွဲ့များနဲ့ တော်လှန်ရေးတပ်ဖွဲ့တွေကလည်း ရွေးကောက်ပွဲကို ဆန့်ကျင်ကြပါတယ်။
စစ်အာဏာရှင်ပြောတဲ့ ရွေးကောက်ပွဲလုပ်မယ့် ဒုတိယစာမျက်နှာဟာ စစ်အာဏာရှင်တည်မြဲဖို့
ဖြစ်လာမလား အာဏာရှင်စနစ်နိဂုံးချုပ်စေမဲ့ သတင်းစာထဲက စာမျက်နှာ ၁၅ ဘဲ ဖြစ်မလားဆိုတာ စောင့်ကြည့်ကြရအောင်ဗျာ။