Denko ဆီဆိုင်ကိုဓါးပြတိုက်ခဲ့တဲ့ အမျိုးသားနှစ်ယောက်ကို PDFတပ်ဖွဲ့ဝင်တွေလို့စစ်ကောင်စီစွပ်စွဲ

ဇူလိုင်လ၊ ၃၀ရက်။

(FactCheck) DNA-The Red Flag

မန္တလေးတိုင်း၊ ညောင်ဦးမြို့ပေါ်က DENKO စက်သုံးဆီဆိုင်ကို ပြီးခဲ့တဲ့ ဇူလိုင်လ၊ ၂၈ရက်က ဓါးပြတိုက်ခဲ့တဲ့ ပြည်သူ့ကာကွယ်ရေတပ်က ရဲဘော်နှစ်ဦးကို အသေဖမ်းမိခဲ့တယ်ဆိုတဲ့ သတင်းတခုလူမှုကွန်ရက်စာမျက်နှာတွေမှာပျံ့နှံ့နေပါတယ်။

ဒီသတင်းနဲ့ပတ်သက်ပြီး စစ်ကောင်စီလက်အောက်မှာလည်ပတ်နေတဲ့သတင်းဌာနတွေနဲ့ စစ်ကောင်စီလော်ဘီချန်နယ်တွေမှာ “ညောင်ဦးမြို့နယ်၌ DENKO စက်သုံးဆီဆိုင်မှ ဆီဖိုးငွေများ၊ ဆိုင်ကယ်နှစ်စီး၊ ဆီလာဖြည့်သည့် မော်တော်ယာဉ်တစ်စီးကို PDF အဖွဲ့က ယူဆောင်ပြီးဆိုင်ဝန်ထမ်းနှစ်ဦးအား ဖမ်းဆီးခေါ်ဆောင်သွား”ဆိုပြီးရေးသားဖော်ပြနေပြီး ပျံ့နှံ့မှုလည်းများပြားနေတာပါ။

သတင်းမှားလင့် – https://archive.ph/jyEZs

https://archive.ph/xsO3j

https://t.me/KKM28640/15566

ဒီအကြောင်းရာနဲ့ပတ်သက်ပြီး MFCN အဖွဲ့ဝင်ဖြစ်တဲ့ DNA Fact Check အဖွဲ့ကနေစစ်ဆေးကြည့်တဲ့အခါမှာ သေဆုံးခဲ့တဲ့ ရဲဘော်နှစ်ဦးက Denkoဆီဆိုင် ဓါးပြတိုက်တဲ့အမှုနဲ့သက်ဆိုင်တာမျိုးမရှိတာကိုတွေ့ရပြီး သတင်းမှားဖြစ်ကြောင်းအတည်ပြုနိုင်ခဲ့ပါတယ်။

သတင်းစိစစ်ချက်

ညောင်ဦးမြို့မှာရှိတဲ့ Denkoစက်သုံးဆီဆိုင်ကို ပြီးခဲ့တဲ့ ဇူလိုင်လ၊ ၂၈ရက် ညနေ၅နာရီမှာ အမျိုးသား၆ဦးက သေနတ်တွေကိုင်ဆောင်ကာ ဆိုင်ကယ်နှစ်ဆီးနဲ့အတူ ဝင်ရောက်ဓါးပြတိုက်ခဲ့တာဖြစ်ပြီး စက်သုံးဆီရောင်းရငွေ ငါးသိန်းကျော် ၊ ဆီလာဖြည့်တဲ့ ဆိုင်ကယ် နှစ်စီး နဲ့ အိမ်စီးကား တစီး ၊ ဆိုင်ဝန်ထမ်းတွေရဲ့ ဖုန်းတွေကိုလည်း ယူဆောင်သွားတယ်လို့ People’s Spring သတင်းဌာနကရေးသားဖော်ပြထားပါတယ်။

သတင်းလင့် – https://www.facebook.com/share/p/1Y6qAujZV2/?mibextid=wwXIfr

အဲ့ဒီ Denkoဆက်သုံးဆီဆိုင်နဲ့ ၈မိုင်အကွာ ညောင်ဦး – ကျောက်ပန်းတောင်းလမ်းပိုင်း တောင်းဇင်းရွာအနီးမှာ စစ်ကောင်စီတပ်စွဲထားတာရှိသလို ညောင်ဦးမြို့မှာလည်း စစ်ကောင်စီဘက်က လက်နက်တပ်ဆင်ပေးထားတဲ့ ဓါးပြတိုက်လုယက်တဲ့ပျူအဖွဲ့လည်းရှိနေတယ်ဆိုတဲ့အကြောင်းကိုလည်း DVB TV News သတင်းဌာနက သတင်းရေးသားထားပါတယ်။

သတင်းလင့် – https://burmese.dvb.no/post/717045

ဒါ့အပြင် ကျဆုံးသွားတဲ့ရဲဘော်နှစ်ဦးကလည်း ဂန့်ဂေါဘက်ကလာတဲ့ အင်အား(၂၀၀)ခန့်ပါတဲ့ စစ်ကောင်စီစစ်ကြောင်းကို ကင်းထောက်ဖို့သွားတဲ့အချိန်မှာ ထိတွေ့မှုဖြစ်ပွားပြီး ကျဆုံးခဲ့တာဖြစ်တယ်လို့ မြေလတ်အသံသတင်းဌာနက သတင်းဖော်ပြထားပါတယ်။

သတင်းလင့် – https://www.facebook.com/myaelattathan/posts/pfbid037LSTa8RmNa61Nv6JEqWZSYuoUMQ5tR45zXJck2D2LTfG82pMePsfJjD14TWAtevbl?mibextid=wwXIfr

သုံးသပ်ချက်

ညောင်ဦးမြို့နယ်မှာ စစ်ကောင်စီဘက်က လက်နက်တပ်ဆင်ပေးထားတဲ့ ပျူစောထီးအဖွဲ့တွေရှိသလို အဲ့ဒီအဖွဲ့တွေက စစ်ကောင်စီရဲ့ စသုံးလုံးအဖွဲ့တွေနှင့်ပူးပေါင်းပြီး ဓားပြတိုက်၊ လုယက်မှုတွေ ကျူးလွန်လေ့ရှိပါတယ်။

ဒီလိုဖြစ်စဉ်တွေနဲ့ပတ်သက်ပြီး DVB သတင်းဌာနက “၂၀၂၄ နိုင်ဝင်ဘာ ၂၉ ရက်မှာ စစ်ကောင်စီ စသုံးလုံးနဲ့ ပေါင်းပြီး ဓားမြမှုတွေမှာပါဝင်နေတဲ့ ပျူစောထီးတဦးကိုလည်း ပြည့်သူ့ကာကွယ်ရေးတပ်ဖွဲ့ဝင်တွေက ဖမ်းဆီးရမီခဲ့ကြောင်း ပြောဆိုမှုကို” သတင်းဖော်ပြထားပါတယ်။

သတင်းလင့် – https://burmese.dvb.no/post/680152

ဒါ့ကြောင့် ပြည်သူ့ဒီမိုကရက်တစ်တပ်တော်(PDA) ရဲဘော်နှစ်ဦးက ဓါးပြတိုက်ခဲ့တာဖြစ်ပြီး စစ်ကောင်စီကလိုက်လံရှင်းလင်းလိုက်တယ်ဆိုတဲ့ သတင်းအကြောင်းအရာမှာ မှားယွင်းနေ ကြောင်းအတည်ပြုနိုင်ခဲ့ပါတယ်။

ဒီကနေ့ခေတ်ဟာ ဆိုရှယ်မီဒီယာခေတ်ဖြစ်တဲ့အတွက် အဲဒီဆိုရှယ်မီဒီယာတွေပေါ်မှာ အကြောင်းအရာ တခုခုကို ပုံဖျက်ဖို့၊ ဝါဒဖြန့်ဖို့၊ ကိုယ်ကျိုးရှာဖို့ ရည်ရွယ်ပြီး သတင်းအတု၊ သတင်းအမှားတွေကို ရည်ရွယ် ချက်ရှိရှိ ဖြန့်ဝေနေကြတာကြောင့် အလွယ်တကူ မယုံကြည်ဖို့၊ ပြန်ပြီး မမျှဝေကြဖို့ အကြံပြုလိုပါတယ်။

Myanmar Fact-checking Network အဖွဲ့ဝင်ဖြစ်တဲ့ DNA Fact Check အဖွဲ့ကိုလည်း Facebook page ကနေဆက်သွယ်မေးမြန်းနိုင်သလို ဒီနေရာ (dnafactcheck @gmail.com)ကနေ လည်း ဆက်သွယ်မေးမြန်းပြီး အချက်အလက်စစ်ဆေးပေးဖို့ တောင်းဆိုနိုင်ပါတယ်။

Myanmar Fact-checking Network အဖွဲ့ဝင်တွေ အချက်အလက်စစ်ဆေးထားတဲ့ သတင်းတွေကို ဒီနေရာမှာ ဝင်ရောက်ဖတ်ရှုနိုင်ပါတယ်။

Web – https://myanmarfactcheckingnetwork.org/

Fb – https://www.facebook.com/myanmarfactcheckingnetwork

#DNA #DNAFactCheck #FactCheck #PDO/PDF #pdf #military #ပျူစောထီး #ညောင်ဦး