ဧပြီ ၂
ပြီးခဲ့တဲ့ရက်က မုန်တိုင်းဖြစ်ပေါ်လာနိုင်ချေရှိတဲ့ မိုး လေဝသ အခြေအနေတွေရှိခဲ့ပေမယ့် လက်ရှိအချိန် မှာတော့ လေဖိအားနည်းရပ်ဝန်း အပြောင်းအလဲတွေကြောင့် လတ်တလောမှာ မုန်တိုင်းဖြစ်လာနိုင် ချေ လျော့နည်းသွားပြီး မိုးရွာသွန်းဖို့တော့ ရှိနေတယ်လို့ မိုးဇလကျွမ်းကျင်သူ ဦးဝင်းနိုင်က DNA ကိုပြောပါတယ်။
“ ငလျင်ထိထားတဲ့ ဒေသတွေမှာက မိုးအလွန်နည်းနိုင်ပါမယ်။ မုန်တိုင်းမဟုတ်ပေမဲ့ လေဖိအားနည်းရပ်ဝန်းတော့ ၄ ရက် ၅ ရက်လောက်မှာ ဖြစ်လာနိုင် ပါတယ် ။ လေမပြင်းနိုင်ပါ။ တနာရီ ၁၅ မိုင်လောက်ပါ ။ ရွာရန်ရာနူန်း ပျမ်းမျှ ၃၀% မှ ၇၀% အထိသာ ရှိပါမယ်” လို့ ဦးဝင်းနိုင်က ရှင်းပြပါတယ်။
သူ့ရဲ့လူမှုကွန်ရက်စာမျက်နှာမှာ ဧပြီလ ၄ ရက် မှ ၈ ရက်အထိ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ချင်းပြည်နယ်၊ စစ်ကိုင်းတိုင်း၊ မန္တလေးတိုင်း၊ ရှမ်း ပြည်နယ်တွေမှာ နေရာကြဲကြဲ မိုးထစ်ချုန်းရွာနိုင်ပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်တွေမှာတော့ ဧပြီလ ၃ ရက် ၈ ရက်အတွင်း မိုးအသင့်အ တင့် ရွာနိုင်ပါတယ်လို့ ဧပြီ ၂ ရက် ညနေ ၄ နာရီဝန်း ကျင်က သတိပေးထုတ်ပြန်ထားပါတယ်။
မိုးလေဝသ သတင်းတွေကို အချိန် ဘယ်လောက်
ကြာကြာ စောင့်ကြည့်သင့်လဲလို့ ဆိုတဲ့မေးခွန်းအ ပေါ် “ ကျွန်တော်တို့ မိုးလေဝသ သတင်းတွေက ၆ နာရီ တကြိမ် အပ်ဒိတ်ဖြစ်ပါတယ် ” လို့ ဖြေကြားပေးခဲ့ပါတယ်။
ငလျင်ဒဏ်သင့်နေရာတွေမှာတော့ မိုးမရွာသေးရင်လည်း ငလျင်နောက်ဆက်တွဲ မြေကျွံခြင်းတွေကို ဂရုစိုက်ဖို့လိုပြီး မိုးရွာသွန်းမှုများလာရင်တော့ ပိုဂရုစိုက်သင့်တယ်လို့ ယခင်နေ့တွေက သတိပေးထားတာတွေ ရှိပါတယ်။
လက်ရှိမှာ မြန်မာနိုင်ငံတောင်ပိုင်းဒေသတွေမှာ မိုး ရွာသွန်းမှုတွေ ရှိနေပါတယ်။
မိုးလေဝသသတင်းတွေကို အချိန်နဲ့တပြေးညီ သိရှိနိုင်ဖို့ စောင့်ကြည့်နိုင်မယ့် လူမှုကွန်ရက်တချို့ကို ဖော်ပြပေးလိုက်ပါတယ်။
https://www.facebook.com/uwinnaing
https://www.facebook.com/dmhmoezalanaypyitaw