ဧပြီ၊ ၁၉
ကရင်အမျိုးသားအစည်းအရုံး KNU လက်အောက်ခံ KNLA တပ်မဟာ(၅)နယ်မြေ မူတြော်ခရိုင်(ဖာပွန်ဒေသ)မှာ စစ်ကောင်စီတပ်သားငါးဦး လက်နက်ခဲယမ်းတွေနဲ့ အခုလအတွင်း အလင်းဝင်လာတယ်လို့ KNLA တပ်မဟာ(၅) သတင်းနဲ့ပြန်ကြားရေးကဒီကနေ့ ထုတ်ပြန်ပါတယ်။
ကရင်ပြည်နယ် ဖာပွန်မြို့အခြေစိုက် စစ်ကောင်စီလက်အောက်ခံ ခမရ(၃၄၁)တပ်ရင်းက အသက် (၂၁)နှစ်ကနေ (၃၀)အထိ အရွယ်တွေပါဝင်တဲ့ တပ်သားအဆင့်ရှိသူလေးဦးဟာ အခု (၁၀)ရက်က လက်နက်ခဲယမ်းတွေနဲ့ အ လင်းဝင်ခဲ့တာလို့ ဆိုပါတယ်။
အဲ့ဒီတပ်သားလေးဦးဟာ စစ်ကောင်စီရဲ့ ရှေ့တန်းတပ်စခန်းတခုဖြစ်တဲ့လယ်တိုးစခန်းမှာ တာဝန်ကျနေချိန် MA-1 ရိုင်ဖယ်သေနတ် လေးလက်၊ကျည်ဆံအပြည့်ပါ ကျည်ဘောက်(၁၆)ခု၊လက်ပစ်ဗုံးနှစ်လုံး၊ခွင့်ဗုံးနှစ်လုံးနဲ့ အလင်းဝင် လာတာလို့ KNU တပ်မဟာ(၅)ထုတ်ပြန်ချက်မှာဖော်ပြထားပါတယ်။
လက်နက်နဲ့အတူ အလင်းဝင်လာတဲ့ အဲ့ဒီစစ်ကောင်စီတပ်သားလေးဦးက KNLA တပ်ဖွဲ့ဝင်တွေနဲ့အတူ လက်တွဲပြီး စစ်ကောင်စီကို ပြန်လည်တိုက်ခိုက်ဆန္ဒရှိတဲ့အကြေင်းအသိပေးထားတယ်လို့လည်းဆိုပါတယ်။
၂၀၂၁ခုနှစ်မှာ စစ်အာဏာသိမ်းပြီးနောက် စစ်ကောင်စီတပ်ဖွဲ့ဝင်တွေဟာ KNU လက်အောက်ခံ တပ်တွေဆီ လ တိုင်းနီးပါး လက်နက်ချအလင်းဝင်ရောက်မှုတွေရှိနေတယ်လို့လည်း ထုတ်ပြန်ချက်မှာဖော်ပြထားပါတယ်။