အာဏာသိမ်းစစ်ကောင်စီကို လက်နက်စွဲကိုင် တော်လှန်တိုက်ခိုက်မှုတွေ နိုင်ငံတဝှမ်းမှာ မြင့်တက်နေသလိုတချိန်တည်းမှာပဲ အာဏာသိမ်းမှုကို လက်မခံဆန့်ကျင်ကြောင်း ထုတ်ဖော်ပြသတဲ့ လူထုသပိတ်လှုပ်ရှားမှုတွေလည်း နိုင်ငံအနှံ့မှာ ဆက်ရှိနေပါတယ်။
စစ်ကောင်စီက သူတို့အာတည်မြဲရေးအတွက် အတုအယောင်ရွှေးကောက်ပွဲပြုလုပ်ဖို့ စတင်ကြိုးစားနေသလို နိုင်ငံအနှံသပိတ်စစ်ကြောင်းတွေကလည်း စစ်ကောင်စီရဲ့ရွေးကောက်ပွဲကို လုံးဝလက်ခံမှာမဟုတ်ကြောင်း ဆန္ဒထုတ်ဖော်နေကြပါတယ်။
ဒီကနေ့ရန်ကုန်မြို့နှင့်မုံရွာမှာ လူငယ်တွေဟာ စစ်အာဏာရှင်ဆန့်ကျင်ရေးပျောက်ကြားသပိတ်ဆင်နွဲခဲ့ကြသလို ထားဝယ်လောင်းလုံဒေသမှာလည်း စစ်တပ်ထုတ်ကုန်တွေ အသုံးမပြုဖို့ သပိတ်လှုပ်ရှားမူပြုလုပ်ခဲ့ကြပါတယ်။
လက်ရှိအချိန်အထိ အဆက်မပြတ် သပိတ်စစ်ကြောင်း လှုပ်ရှားမှုရှိနေတဲ့ ဒေသတွေထဲက အများစုဟာ စစ်ကိုင်းတိုင်းက ဖြစ်ပါတယ်။ ဒီကနေ့မှာ စစ်ကိုင်းတိုင်းထဲက ကလေးမြို့၊ မုံရွာ၊လက်ပံတောင်းဒေသ၊ ချင်းတွင်းဒေသ၊ ယင်းမာပင်၊ ဆားလင်းကြီး၊ ကနီစတဲ့ မြို့နယ်တွေမှာ သပိတ်လှုပ်ရှားမှုတွေ လုပ်ခဲ့သလို မန္တလေးပြည်ကြီးတံခွန်၊ မကွေးတိုင်းမြိုင်မြို့နယ်မှာလည်း သပိတ်လှုပ်ရှားမူတွေရှိခဲ့ပါတယ်။
ဒါ့အပြင် သံဃတော်လှန်ရေး အင်အားစုတွေနဲ့ ကျောင်းသားတော်လှန်ရေးအင်အားစုတွေကလည်း လက်ရှိ အချိန်အထိ သပိတ်လှုပ်ရှားမှုတွေ လုပ်နေကြဆဲ ဖြစ်ပါတယ်။
စစ်အာဏာသိမ်းမှုနဲ့ အာဏာရှင်စနစ်ကို ဆန့်ကျင်ကြောင်း ဒေသအသီးသီးမှာ ဒီကနေ့ ထုတ် ဖော်ပြသခဲ့ကြတဲ့ သပိတ်လှုပ်ရှားမှု ပုံရိပ်တွေထဲကတချို့ကို DNA က စုစည်းဖော်ပြပေးလိုက်ပါတယ်။
