ကလေးမြို့ပင်မသပိတ်အင်အားစုနဲ့ မြို့ခံပြည်သူ တွေဟာ သံအမတ်ကြီး ဦးကျော်မိုးထွန်းကို ထောက်ခံကြောင်း ဆန္ဒထုတ်ဖော်ပွဲကို စက်တင်ဘာ (၁၅) ရက် ဒီကနေ့ညနေပိုင်းက ပြုလုပ်ခဲ့ပါတယ်။
“ပူးပေါင်းပါဝင်ရတာပျော်တာပေါ့၊တာဝန်ကျေသလို ဖြစ်သွားတယ်ပေါ့၊ ကျွန်မသိပ်နားမ လည်ပါ ဘူး၊ဒါပေမယ့် ကျမတို့ပြည်သူတွေဘက်က ဦးကျော်မိုးထွန်းက အစောကြီးက ရပ်တည်ခဲ့တာ၊ သူ့ကိုထောက်ခံတာက နှလုံးသားထဲကလာတာ” လို့ သပိတ်မှာ ပူးပေါင်းပါဝင်တဲ့ ချင်းတိုင်းရင်းသူ အမျိုးသမီးတစ်ဦးကပြောပါတယ်။
ကလေးမြို့ပင်မသပိတ်စစ်ကြောင်းဟာ ခုရက်ပို င်းအတွင်းမှာ ပိုမိုအားကောင်းလာပြီး စစ်ဆေးမှု တွေ၊လက်နက်ကြီးပစ်ခတ်မှုတွေကြားထဲမှာတောင် မပျက်ကွက်ခဲ့ပါဘူး။
” စည်းရုံးစရာမလိုအောင်ကို သူတို့(ဒေသခံတွေ) က ခေါ်နေတာ၊ လာမလုပ်သေးဘူးလား၊ လာကြ တော့ ဆိုပြီးတော့၊ဒါကြောင့် တချို့ရက်တွေဆို စစ်ကြောင်းနှစ်ကြောင်းခွဲရတယ်” လို့ သပိတ် ခေါင်းဆောင် အမျိုးသမီးကပြောပါတယ်။
ကလေးမြို့ပင်မသပိတ်စစ်ကြောင်းဟာ သူတို့ရဲ့ ၅၈၆ ရက်မြောက် အာဏာရှင်ဆန့်ကျင်ရေး သပိတ်ကို ” Accept NUG & Our ambassador, Reject Dictator ” စားတန်းကိုင်ဆောင်ပြီး ကြွေး ကြော်သံတွေနဲ့ ပြုလုပ်ခဲ့ကြပါတယ်။
Photo CJ
