Photo- Freeland Attack Force -FLA
စမ်းချောင်းမြို့နယ်၊ကျွန်းတော(တောင်)ရပ်ကွက်၊ပြည်အေးလမ်းအနီးကရပ်ကွက်အုပ်ချုပ်ရေးမှုးရုံးကို ဒီနေ့ညပိုင်းမှာ အဝေးထိန်းမိုင်းနဲ့ဖောက်ခွဲတိုက် ခိုက်ခဲ့တယ်လို့ FLAအဖွဲ့ဝင်တစ်ဦးက DNAကို ပြောပါတယ်။
ဖောက်ခွဲတိုက်ခိုက်မှုကို Freeland Attack Force (FLA) နဲ့မဟာမိတ်အဖွဲ့ တွေပူးပေါင်းလုပ်ဆောင်ခဲ့ တာဖြစ်ပြီးဒီကနေ့ စက်တင်ဘာ (၁၄)ရက်၊ည ၈နာရီ ကျော်မှာ အဝေးထိန်းမိုင်းနှစ်လုံးပူးပြီး ဖောက်ခွဲ တိုက်ခိုက်ခဲ့တာလို့ သူက ပြောပါတယ်။
ဖောက်ခွဲတိုက်ခိုက်မှုကြောင့် ပျက်စီးဆုံးရှုံးမှု နဲ့ထိခိုက်မှုရှိနိုင်ပေမယ့် ဖောက်ခွဲမှုပြီးပြီးချင်း မြို့နယ်ထဲကပြန်ထွက်ခဲ့တာကြောင့် အတိအကျတော့ မသိရသေး ဘူးလို့ဆိုပါတယ်။
“အခု ရောက်နေတာ (စစ်ကောင်စီတပ်ဖွဲ့ဝင်တွေ)န ည်းတာ မဟုတ်တာ၊အတည်မပြုနိင်ဘူးဗျာ အထိအ ခိုက်ရှိမယ်လို့ ထင်တယ်”လို့ FLAအဖွဲ့ဝင် ပြောပါတယ်။
လက်ရှိမှာတော့ ဖောက်ခွဲခံခဲ့ရတဲ့ ရပ်ကွက်ရုံးကို စစ်ကောင်စီတပ်တွေရောက်ရှိနေပြီး အနီးဝန်း ကျင်ကို စစ်ဆေးတာတွေလုပ်ဆောင်နေတယ်လို့ ဒေသခံတွေက ပြောပါတယ်။
“စစ်ဆေးတာတွေတော့လုပ်နေတယ်၊လူထိခိုက်တယ်လို့မကြားသေးဘူး၊အဲ့ဒီနားက ညဘက်ဆိုလူ ပြတ်တယ်၊အမှိုက်သိမ်းတဲ့စည်ပင်က လူတွေပဲရှိတာ များတယ်”လို့ ပေါက်ကွဲမှုဖြစ်တဲ့ ရပ်ကွက်အတွင်း နေထိုင်သူတစ်ဦးကပြောပါတယ်။
တိုက်ခိုက်မှုကိုတော့ နိုင်ငံရေးအကျဉ်းသားများ ကိုယ်စားပြုတိုက်ခိုက်ရေးအဖွဲ့ Freeland Attack Force (FLA) ၊ Emerald Grils Army (EGA) နဲ့ Revolution of 21 Centuryအဖွဲ့တို့ပူးပေါင်း လုပ်ဆောင်ခဲ့တာဖြစ်တယ်လို့ သိရပါတယ်။
Freeland Attack Force (FLA)အဖွဲ့နဲ့မဟာမိတ် ဖွဲ့တွေဟာ ပြီးခဲ့တဲ့လပိုင်းအတွင်းကလည်း စမ်း ချောင်းမြို့နယ်၊ကျွန်းလယ်ရပ်ကွက်အုပ်ချုပ်ရေးမှူးရုံးကို ဖောက်ခွဲတိုက်ခိုက်ခဲ့သေးတယ်လို့ သိရပါ တယ်။