ကလေးမြို့နယ် ပင်မသပိတ်စစ်ကြောင်းနဲ့ မြို့ခံတွေပူးပေါင်းပြီး NUG နဲ့ သံအမတ်ကြီး ဦးကျော်မိုးထွန်းကို ထောက်ခံပြီး စစ်အာဏာရှင်ကိုဆန့်ကျင်ကြောင်းပြသတဲ့ ကျေးရွာပေါင်းစုံသပိတ်ကို စက်တင်ဘာ (၁၂) ရက် ဒီနေ့မနက်ပိုင်းမှာပြုလုပ်ခဲ့ပါတယ်။
“ဒီနေ့လူအင်အားကတော့ အားရစရာပါ၊ နီးစပ်ရာရွာတွေက ပြည်သူတွေတော်တော်များများ တက်ရောက်ကြတယ်” လို့အမျိုးသမီး သပိတ်ခေါင်းဆောင်တစ်ဦးက ပြောပါတယ်။
သပိတ်အခမ်းအနားမှာ စစ်အာဏာရှင်ဆန့်ကျင်ကြောင်း၊ NUG နှင့် ပြည်သူ့သံအမတ်ကို ထောက်ခံကြောင်း ဟောပြောမူတွေလုပ်ခဲ့ပြီး စစ်အာဏာရှင်ကျဆုံးရေး၊ ဒီမိုကရေစီရရှိရေး ကြွေးကြော်သံတွေနဲ့လည်း ကြွေးကြော် ဆန္ဒပြခဲ့ကြပါတယ်။
အဲ့ဒီသပိတ်အခမ်းအနားကို ကလေးမြို့နယ်တဝိုက်ကျေးရွာတွေက ပြည်သူထောင်ဂဏန်းနီးပါးတက် ရောက် ခဲ့ကြ ပြီး သပိတ်အခမ်းအနားတက်ရောက်လာသူတဲ့ ပြည်သူတွေကို VAKOK-CNDF ၊ RKDF နဲ့ကလေး မြို့ ပ.က.ဖ ရဲဘော်တွေက လုံခြုံရေးယူပေးခဲ့ကြတယ်လို့ သိရပါတယ်။
