အမျိုးသားညီညွတ်ရေးအစိုးရ NUG နဲ့ ပအိုဝ်းအမျိုးသားဖယ်ဒရယ်ကောင်စီ PNFC တို့ပူးပေါင်းပြီး စစ်အာဏာရှင်စနစ်ချုပ်ငြိမ်းရေးအတွက် EOD ရှယ်ယာနဲ့ငွေတိုက်စာချုပ်တွေကို ပြည်တွင်းပြည်ပမှာ စတင်ရောင်းချပေးနေပြီဖြစ်ကြောင်းNUGက ဒီနေ့ဇွန်လ ၂၈ရက်နေ့မှာထုတ်ပြန်ကြေညာပါတယ်။
စစ်အာဏာရှင်အပါအဝင်အာဏာရှင်စနစ်အမျိုးမျိုးချုပ်ငြိမ်းရေးနဲ့ဖယ်ဒရယ်ဒီမိုကရေစီပြည်ထောင်စုသစ်ပေါ်ထွန်းရေးကိုနည်းလမ်းပေါင်းစုံနဲ့တိုက်ပွဲဝင်နေကြတဲ့ပအိုဝ်းတော်လှန်ရေးအင်အားစုတွေကိုထောက်ပံနိုင်ဖို့အတွက်ငွေတိုက်စာချုပ်တွေကို ပြည်တွင်းပြည်ပကဝယ်ယူနိုင်အောင် စတင်ရောင်းချပေးနေပြီလို့ဆိုပါတယ်။
ပြည်တွင်းမှဝယ်ယူလိုသူတွေအတွက်https://www.facebook.com/Paonationalfederalcouncilpnfc လူမူကွန်ယက်စာမျက်နှာမှာဝယ်ယူနိုင်ပြီး နိုင်ငံတကာမှဝယ်ယူလိုသူတွေအတွက် https://www.facebook.com/GlobalPaOFamily လူမူကွန်ယက်စာမျက်နှာတွေမှာဝယ်ယူ နိုင်ကြောင်းထည့်သွင်းထုတ်ပြန်ထားတာပါ။
