မြန်မာကျပ်ငွေကို ဘလောက်ချိန်းနည်းပညာသုံးပြီူ ဒစ်ဂျစ်တယ်ငွေကြေးအဖြစ် စတင်မိတ်ဆက်လိုက် ကြောင်း အမျိုးသားညီညွတ်ရေးအစိုးရ(NUG)ကမနေ့က ဇွန်လ ၁၉ ရက်နေ့မှာ ထုတ်ပြန်ကြေညာ ခဲ့ပါတယ်။
အဆိုပါငွေကြေးစနစ်ကို NUGPay Mobile Wallet နဲ့အသုံးပြုနိုင်မှာဖြစ်တယ်လို့ NUG၊ စီမံကိန်း၊ဘဏ္ဍာရေး နှင့် ရင်းနှီးမြှုပ်နှံမှု ဝန်ကြီးဌာနကအသိပေးထားတာပါ။
“ကိုယ်ပိုင်တဲ့ ငွေကြေးကို ကိုယ်တိုင်စီမံနိုင်မယ့် NUG Pay ဟာ Blockchain နည်းပညာကို အသုံးပြုထားတဲ့ မြန်မာနိုင်ငံရဲ့ ပထမဆုံး မိုဘိုင်း ပိုက်ဆံအိတ် ဖြစ်တယ်။”လို့ဆိုပါတယ်။
DMMK(ဒစ်ဂျစ်တယ်မြန်မာကျပ်ငွေကြေး)ကို NUG pay မိုဘိုင်းငွေပေးချေမှုစနစ်အဖြစ်သုံးရမှာဖြစ်ပြီး DMMKဟာဒစ်ဂျစ်တယ်ငွေကြေးဖြစ်သလို အဆိုပါငွေကြေးကို ငွေပေးငွေယူပြုလုပ်ရာတွင် အသုံးပြုငွေပေးချေရမယ့် မိုဘိုင်းငွေပေးချေတဲ့ပလက်ဖောင်းနည်းစနစ်ဖြစ်တယ်လို့ဆိုပါတယ်၊
NUGpay ဟာ Kpay ကဲ့သို့မိုဘိုင်းငွေပေးချေသောပလက်ဖောင်းဖြစ်ပြီး ၊DMMK မှာ ဒစ်ဂျစ်တယ်ငွေသား ဖြစ်မည်ဖြစ်သည်။NUGက မိတ်ဆက်သည့် NUG Pay ကို လက်ရှိ Android ဖုန်းတွေ မှာစတင်အသုံးနိုင်မှာ ဖြစ်ပြီး iOSများတွင်မကြာခင် အသုံးပြုနိုင် အောင်ဆောင်ရွက်ပေး သွားမယ်လို့ဆိုပါတယ်။
Android ဖုန်းတွေမှာ NUG Payကို Play Store မှဆင့် Download ရယူနိုင်မှာ ဖြစ်ပြီးစတင်ရယူနိုင်မယ့် နေ့ ကိုမကြာခင် ကြေညာသွားမယ်လို့ဆိုပါတယ်။
