စစ်ကိုင်းတိုင်း၊ အရာတော်မြောက်ပိုင်းကို စစ်ကြောင်းထိုးနေတဲ့အကြမ်းဖက်စစ်တပ်ဟာ လက်နက်ကြီး နဲ့ ပစ်ခတ်နေတာကြောင့် ဒေသခံတွေ ထွက်ပြေးနေရတယ်လို့သိရပါတယ်။
ဒီနေ့ မွန်းတည့် ၁၂ နာရီလောက်မှာ အရာတော်မြောက်နယ်၊ဟင်္သာကျေးရွာနဲ့ လိန်လှကျေးရွာ အနီးရောက်ရှိလာပြီး လက်နက်ကြီးနဲ့ပစ်ခတ်နေတာလို့ ဒေသတွင်းနွေဦးတော်လှန်ရေးစာမျက်နှာ အရာတော်ပို့စ်က ထုတ်ပြန်ပါတယ်။
ဒေသခံတွေဟာ နွားလှည်း၊ ဆိုင်ကယ်၊ ခြေလျင်တို့နဲ့ရုတ်တရက် တိမ်းရှောင်ထွက်ပြေးရတာ ဖြစ်ပါတယ်။
လူသားဒိုင်းအဖြစ် လိန်လှရွာသား ၄ ဦး ဖမ်းဆီးထားတယ်လို့ သိရပေမဲ့ အတည်မပြုနိုင်သေးဘူးလို့ အရာတော်ပို့စ်က ဆိုပါတယ်။
အဲဒီ အကြမ်းဖက်စစ်ကြောင်းဟာ မနေ့က အရာတော် – ဒီပဲယင်းနယ်စပ်နဲ့ အုပ်ရှစ်ကြီး၊ သစ်ချိုကျေးရွာတွေကို စီးနင်းမီးရှို့ပြီးနောက် ရောက်လာခဲ့တာပါ။
အရာတော်မြောက်နယ်မှာ စစ်တပ်နဲ့ ဒေသခံတော်လှန်ရေးအင်အားစုတွေ နေ့စဉ်လို လို ထိတွေ့တိုက်ပွဲဖြစ်ပွားနေပေမဲ့ လုံခြုံရေးအရ တိုက်ပွဲဖြစ်စဉ်တွေကို ထုတ်ပြန်နိုင်ခြင်းမရှိသေးဘူးလို့ အရာတော်မြို့နယ် တော်လှန်ရေးတပ်ပေါင်းစုက အရာတော်ပို့စ်ကို ပြောကြောင်း သိရပါတယ်။
