NUG အစိုးရ၊ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာန အနေနဲ့ တော်လှန်ရေးရန်ပုံငွေ အမေရိကန်ဒေါ် လာ ၄၂ သန်းလောက် ရှာဖွေနိုင်ခဲ့တယ်လို့ သိရပါတယ်။
ရန်ပုံငွေအများဆုံးရရှိမှုမှာ ငွေတိုက်စာချုပ်ရောင်းချခြင်းဖြစ်ပြီး အမေရိကန်ဒေါ်လာ ၃၇ သန်းဖိုးလောက် ရောင်းချပြီးပြီလို့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်းနိုင်က ပြောပါတယ်။
လက်ရှိ အကြမ်းဖက်စစ်ခေါင်းဆောင် မင်းအောင်လှိုင်မတရားသိမ်းထားတဲ့ ၁၄/အင်းလျား အိမ်နဲ့ခြံ ရောင်းချရမှုမှာ ကန်ဒေါ်လာ ၅ သန်းဖိုးရှိပြီလို့ သိရပါတယ်။
စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာန အနေနဲ့ တော်လှန်ရေး စတင်ကတည်းက ဘဏ္ဍာငွေရှာဖွေရေး အစီအစဉ်ကို ကြိုးစားဆောင်ရွက်ခဲ့ရာ ပထဦးဆုံးအနေနဲ့ နွေဦးထီဖွင့်လှစ်ရောင်းချခြင်း၊ ပြည်ထောင်စု အခွန်အကောက် ဥပဒေနဲ့အညီ အခွန်ကောက်ခံခြင်း၊ အမျိုးသားညီညွတ်ရေးအစိုးရရဲ့ ငွေတိုက်စာချုပ်ရောင်းချခြင်းနဲ့ လက်ရှိဆောင်ရွက်နေဆဲဖြစ်တဲ့ အကြမ်းဖက်စစ်ခေါင်းဆောင်ရဲ့ ၁၄/ အင်းလျား အိမ်နဲ့ခြံရောင်းချခြင်းတို့ ဖြစ်ပါတယ်။
