စစ်ကိုင်းတိုင်း၊ ကလေးမြို့နယ်တောင်ပိုင်းကို နယ်မြေရှင်းလင်းရေးပြုလုပ်စဉ် မကောက်ဘဲထားပစ်ခဲ့တဲ့ အကြမ်းဖက်စစ်သားတွေရဲ့အလောင်းနဲ့ လက်နက်တချို့ သိမ်းဆည်းရမိခဲ့တယ်လို့ သိရပါတယ်။
ဧပြီလ ၂၇ ရက်နေ့က တိုက်ပွဲပြင်းထန်ခဲ့တဲ့ ကလေးမြိုနယ်တောင်ပိုင်း အရှေ့စည်းရွာအနီးဝန်းကျင်ကို Ranger Kalay Defend Force(RKDF )နဲ့ ပူးပေါင်း တပ်ဖွဲ့တို့က နယ်မြေရှင်းလင်းခဲ့ရာ တိုက်ပွဲအတွင်း သေဆုံးသွားပြီး မကောက်ပဲထားပစ်ခဲ့တဲ့ အကြမ်းဖက်စစ်သား အလောင်း ၇ လောင်း နဲ့ အတူ MA မောင်းပြန် ၁ လက်၊ MA ကျည်အိမ် ၈ ခု၊ ကျည် တောင့် ၅၀၀ ၊ အီနာဂါ ဗုံးသီး ၁ လုံး၊ ၆၀ မမ ဗုံးသီး ၂ လုံး၊ ဖုန်း ၃ လုံးနဲ့ စကားပြောစက် ၂ လုံးတို့ကို သိမ်းဆည်းရမိခဲ့ကြောင်း RKDF ကဒီကနေ့ထုတ်ပြန်ပါတယ်။
အခုရက်ပိုင်းအတွင်း ကလေးတောင်ပိုင်းမှာ တိုက်ပွဲတွေ ဆက်တိုက်ဆိုသလိုဖြစ်ပွားနေအတွက် ကျည်နဲ့ တခြားအရာတွေ အရေးပေါ် လိုအပ်နေတာကြောင့် ပြည်သူတွေအနေနဲ့ ဝိုင်းဝန်းကူညီထောက်ပံ့ ပေးကြဖို့ မေတ္တာရပ်ခံကြောင်းလည်း RKDF ကဆိုပါတယ်။
