ဟိုင်းကြီးကျွန်းမြို့ ငါးပြေမကျေးရွာက စစ်အုပ်စုခန့် အုပ်ကြီး ရှင်းလင်းခံရ April 20, 2022 ဒေသအလိုက် သတင်းကဏ္ဍ ဓာတ်ပုံ-CJ ဧရာဝတီတိုင်း ငပုတောမြို့နယ် ဟိုင်းကြီးကျွန်းမြို့ ငါးပြေမကျေးရွာမှာနေထိုင်တဲ့ အုပ်ချုပ်ရေးမှူး ကိုဇော်ထွန်းကို ပြည်သူ့ကာကွယ်ရေး ပူးပေါင်းတပ်ဖွဲ့တွေက သေနတ်နဲ့ ပစ်ခတ် ရှင်းလင်းခဲ့တယ်လို့ သတင်းထုတ်ပြန်လာခဲ့ပါတယ်။ မနေ့က ဧပြီလ ၁၉ ရက်နေ့ ည ၈ နာရီခွဲလောက်မှာ ညီနောင်မဟာမိတ်အဖွဲ့တွေဖြစ်တဲ့ Beach Defence Force (BDF)၊ Pathein Western Defence Force (PWDF)၊ West Coast Defense Force (WCDF) နှင့် SinYine Guerilla Force (SGF) တို့က ပူးပေါင်းရှင်းလင်းခဲ့တာပဲဖြစ်ပါတယ်။ “အိမ်ထဲမှာတင် သေနတ်နဲ့ ၈ ချက်တိတိ ဝင်ပစ်သွားတာလို့ ကြားတယ်၊ ရွာကတော့ လူကုန်ပျော်နေကြတာပေါ့ ဒီလူက တော်တော်ကိုဆိုးတာလေ PDF တွေက အရင်ထဲက သတိပေးတယ် အဲ့ဒါတောင် ရွာကိုဆက်ပြီးတော့ ဒုက္ခပေးနေတာ၊ အခုတော့ ရွာထဲမှာ တပ်က ကင်းပုန်းတွေချထားတယ် အဝင်အထွက်တွေ အကုန်ပိတ်ထားတယ်”လို့ ဒေသခံတစ်ဦးကပြောပါတယ်။ ရှင်းလင်းခံရတဲ့ ကိုဇော်ထွန်းဟာ စစ်အုပ်စုနဲ့ ပူးပေါင်းပြီး ပြည်သူတွေကို မတရားဖမ်းဆီး ငွေညှစ်တာ၊ ကျေးရွာအတွင်းမှာ လောင်းကစားဝိုင်းတွေကို လုပ်ဆောင်စေပြီး ငွေကြေးတောင်းခံတာတွေကို လုပ်ဆောင်ခဲ့သူတစ်ဦးဖြစ်တယ်လို့ ဒေသခံတွေက ဆိုပါတယ်။ ငပုတောမြို့နယ်ဧရာဝတီတိုင်း
ဒေသအလိုက် သတင်းကဏ္ဍ ရှားခဲမြို့ ကက်သလစ် ဘုရားကျောင်းရှိ ဘုန်းတော်ကြီးအပါအဝင် ၉ ဦးကို စစ်အုပ်စုက ဖမ်းဆီး April 10, 2022 ဒေသအလိုက် သတင်းကဏ္ဍ ဧရာဝတီတိုင်း ကျုံပျော်မြို့နယ် ရှားခဲမြို့ ကက်သလစ်ဘုရားကျောင်းမှာရှိတဲ့ ကက်သလစ်ဘုန်းတော်ကြီးတစ်ပါး အပါအဝင် ပြည်သူ ၉ ဦးကို စစ်အုပ်စုက အကြောင်းမဲ့ ဖမ်းဆီးသွားတယ်လို့ ဒေသခံတွေက ပြောပါတယ်။ ဒီကနေ့ ဧပြီလ ၁၀ ရက်နေ့ မနက် ၂ [ဆက်လက်ဖတ်ရှုရန်]
ဒေသအလိုက် သတင်းကဏ္ဍ ဝါးခယ်မမြို့နယ်တရားရုံးက ရိုဟင်ဂျာ ငါးဆယ့်တဦးကို ထောင်နှစ်နှစ်ဆီချမှတ် September 10, 2022 ဒေသအလိုက် သတင်းကဏ္ဍ ဧရာဝတီတိုင်း၊ ဝါးခယ်မမြိုနယ်မှာ သြဂုတ်လ အတွင်းက ဖမ်းဆီးထားတဲ့ ရိုဟင်ဂျာ( ၅၁ )ဦးကို ဝါးခယ်မမြို့နယ် တရားရုံးက ထောင်ဒဏ် (၂) နှစ်စီ ချမှတ်လိုက်တယ်လို့ အငြိမ်းစားဥပဒေအရာရှိဟောင်းတဦးက DNA ကိုပြောပါတယ် ။ “တရားရုံး ကြားနာ [ဆက်လက်ဖတ်ရှုရန်]
ဒေသအလိုက် သတင်းကဏ္ဍ သင်္ကြန်ပွဲတော်အတွင်း စစ်အုပ်စုက ဖောက်ခွဲမှုတွေလုပ်နိုင်တယ်လို့ သတိပေ April 7, 2022 ဒေသအလိုက် သတင်းကဏ္ဍ သင်္ကြန်ပွဲတော်မတိုင်မီနဲ့ သင်္ကြန်ပွဲတော်ကာလအတွင်း မြောင်းမြခရိုင်နဲ့ လပွတ္တာခရိုင်တွေမှာ အကြမ်းဖက်စစ်အုပ်စုက ပြည်သူ့ကာကွယ်ရေးတပ်ဖွဲ့အဖြစ် အယောင်ဆောင်ပြီး ဖောက်ခွဲမှုတွေ လုပ်နိုင်တာကြောင့် ပြည်သူတွေအနေနဲ့ လူစည်ကားရာ နေရာတွေကိုမလုပ်ဆောင်ဖို့ ဧရာဝတီလင်းပိုင်အဖွဲ့က သတိပေးထုတ်ပြန်လိုက်ပါတယ်။ မြောင်းမြခရိုင်နဲ့ လပွတ္တာခရိုင်အတွင်းမှာ စစ်အုပ်စုက ပျော်ပွဲရွှင်ပွဲနဲ့ ဘာသာရေးပွဲတွေကို ကျင်းပဖို့အတွက် [ဆက်လက်ဖတ်ရှုရန်]