စစ်အုပ်စုရဲ့ မတရား ဖမ်းဆီးခံထားရတဲ့ ဒဂုံတက္ကသိုလ်က ကျောင်းသားနှစ်ဦးကို လှည်းကူးမြို့နယ် တရားရုံးက မတ် ၂၉ရက်မှာ ပုဒ်မ ၅၀၅(က) နဲ့ ထောင်သုံးနှစ်စီ ကျခံဖို့ အမိန့်ချမှတ်ခဲ့တယ်လို့ သိရပါတယ်။
![](https://deltanewsagency.com/wp-content/uploads/2022/03/276970231_2261705583970192_454734536233549636_n.jpg)
မတ်လ ၂၉ ရက်မှာ ဒဂုံတက္ကသိုလ်မှ ရုက္ခဗေဒမေဂျာအထူးပြု ကျောင်းသား ကိုဇင်လင်းအောင်နဲ့ သတ္တဗေဒမေဂျာ အထူးပြုကျောင်းသား ကိုမောင်မောင်မင်းခန့်တို့ နှစ်ဦးကို ပုဒ်မ ၅၀၅(က) နဲ့ ထောင်သုံးနှစ်ကျခံဖို့ လှည်းကူးမြို့နယ် တရားရုံးက အမိန့်ချမှတ်ခဲ့တာလို့ ကျောင်းသားသမဂ္ဂအသိုင်းအဝိုင်းမှ စုံစမ်းသိရပါတယ်။
ကိုဇင်လင်းအောင်နဲ့ ကိုမောင်မောင်မင်းခန့်တို့ကို ၂၀၂၁ ခုနှစ်ဇွန် ၈ ရက်နေ့မှာ စစ်အုပ်စုက ဖမ်းဆီးခဲ့တာပါ။
မတရားဖမ်းဆီးခံထားရတဲ့ ဒဂုံတက္ကသိုလ် ကျောင်းသား၊ ကျောင်းသူ ၃၀ ကျော်ရှိနေပြီး သေဒဏ်နဲ့ တစ်ကျွန်းအထိ ချမှတ်ခံထားရသူတွေလည်း ရှိတယ်လို့ ဒဂုံတက္ကသိုလ်ကျောင်းသားများသမဂ္ဂက ထုတ်ပြန်ထားပါတယ်။