သြစတြီးယားနိုင်ငံမှာ မနေ့က ကျင်းပတဲ့ မြန်မာ့အရေးဆွေးနွေးပွဲမှာ အမျိုးသားညီညွတ်ရေးအစိုးရ လူ့အခွင့်အရေးဆိုင်ရာဝန်ကြီးဌာန ၊ ပြည်ထောင်စုဝန်ကြီး ဦးအောင်မျိုးမင်း တက်ရောက်ဆွေးနွေးခဲ့တယ်လို့ သိရပါတယ်။
“MYANMAR TODAY: THE END OR BEGINNING OF DEMOCRACY?” လို့ ခေါင်းစဉ်ပေးထားတဲ့ ဒီပွဲမှာတော့ အီးယူအကြောင်း နိုင်ငံတကာအကြောင်းနဲ့ သြစတြီးယားနိုင်ငံအကြောင်းတွေနဲ့အတူ မြန်မာနိုင်ငံရေးကို ဘယ်လို ဝိုင်းဝန်းလုပ်ဆောင်ကြမလဲ ဆိုတာ တင်ပြဖြစ်တယ်လို့ ဦးအောင်မျိုးမင်းက သူ့ရဲ့ ဖေ့စ်ဘုတ် လူမှုစာမျက်နှာမှာ ရေးသားဖော်ပြထားပါတယ်။
ဒီပွဲကို မကျင်းပဖို့ မြန်အာအာဏာသိမ်းအကြမ်းစစ်အုပ်စုလက်အောက်ခံ သံရုံးကလည်း ကန့်ကွက်စာပို့ခဲ့တယ်လို့ ဆိုပါတယ်။
ဦးအောင်မျိုးမင်းအပါအဝင် Organization for Security and Co-operation in Europe ဆိုင်ရာ သြစတြီးယားသံအမတ်ဟောင်း Christian Strohal နဲ့ မြန်မာနိုင်ငံဆိုင်ရာ အီးယူကိုယ်စားလှယ်ဟောင်း Georg Bauer တို့လည်း ဆွေးနွေးခဲ့ကြပါတယ်။
