၁၂၊ နိုဝင်ဘာလ၊ ၂၀၂၁။
ဗိုလ်ကြီးအဆင့် အမျိုးသမီးအရာရှိတစ်ဦး ပြည်သူ့ရင်ခွင်ကို ခိုလှုံလာပြီလို့ ပြည်သူ့စစ်သား များအဖွဲ့က ဒီကနေ့ထုတ်ပြန်ပါတယ်။
ပြည်သူ့ရင်ခွင်ကိုခိုလှုံလာသူမှာ ဗိုလ်ကြီးမေပိုးဖြစ်ပြီးအာဏာစသိမ်းတဲ့အချိန်ကစပြီး အကြမ်းဖက်စစ်တပ်ရဲ့ တရားမျှတမှုမရှိတဲ့လုပ်ရပ်တွေနဲ့ ပြည်သူတွေကိုအကြောင်းမဲ့သတ်ဖြတ်နေတဲ့အပေါ်ဘယ်လိုမှလက်ခံလို့မရတဲ့အတွက် တော်လှန်ရေးမှာပူးပေါင်းပါဝင်ဖို့ ပြည်သူ့ဘက်မျက်နှာမူလာတာဖြစ်တယ်လို့ သိရပါတယ်။
စစ်တပ်ဟာပြည်သူတွေကိုတင်မက၊တပ်မတော်သားအချင်းချင်းလည်း ဖိနှပ်မှုမျိုးစုံရှိတဲ့အတွက်ကြောင့်တပ်တွင်းမှာလည်း စစ်အုပ်စုကိုစွန့်ခွာချင်သူတွေများပြားလာပြီလို့ လည်းဗိုလ်ကြီးမေပိုးကပြောပါတယ်။
‘ကျွန်မကိုယ်တိုင်လည်း နောင်လာမယ့်နေ့ရက်တွေမှာသိက္ခာရှိစွာနေထိုင်သွားချင်လို့ ပြည်သူဘက်မျက်နှာမူခဲ့တာပါ။ကျွန်မတို့ရဲ့နောင်လာမယ့်အနာဂတ်တွေမှာလည်း စစ်သားဆိုတာနဲ့ပြည်သူတွေကမုန်းတီးနေတာမျိုးမဖြစ်ရအောင်ဒီလိုပြသနာတွေကိုဖန်တီးတဲ့ အာဏာရှင်တွေအမြစ်ပြတ်အောင်လို့ တပ်မတော်သားအားလုံးပူးပေါင်းပါဝင်ဖို့လိုအပ်ပါတယ်။’လို့ ဗိုလ်ကြီးမေပိုးကဆိုပါတယ်။