၅ ၊နိုဝင်ဘာလ၊၂၀၂၀။ (သတင်းတို)
ဒီနေ့မနက်စာရင်းအရ ဖျာပုံမြို့မှာ COVID 19အတည်ပြုလူနာ(၂)ဦး တွေ့ရှိခဲ့တယ်လို့ ဖျာပုံဆေးရုံအုပ်ကြီး ဒေါက်တာဒေါ်ဇင်မာစိုးကပြောပါတယ်။
ရန်ကုန်မြို့တိုင်းကနေ ပြန်လာသူတွေထဲက ဖျာပုံမြို့နယ်၊ အပြောင်ကျေးရွာနေ အသက် (၂၁)နှစ်အရွယ်အမျိုးသမီးတစ်ဦးနဲ့ အမှတ်(၇)ရပ်ကွက်နေ အသက်(၂၂)နှစ်အရွယ် အမျိုးသားတစ်ဦးတို့ ဖြစ်တယ်လို့ ပြောပါတယ်။
ရန်ကုန်မြို့က ပြန်လာသူတွေကို ဖျာပုံမြို့၊ အမှတ်(၁)အခြေခံပညာအထက်တန်းကျောင်း၊ အမှတ်(၂) အခြေခံပညာအထက်တန်းကျောင်းနှင့် ဖျာပုံတမံ အထက်တန်းကျောင်းရှိ Quaratine center တွေမှာ ထားရှိပြီး ဒီကနေ့မနက်စာရင်းအရ ကွာရန်တင်းဝင်နေသူ အယောက်(၂၈၀)ကျော် ရှိတယ်လို့ သိရပါတယ်။
ပိုးတွေ့လူနာစာရင်းအရ ဖျာပုံမြို့နယ်အတွင်း အတည်ပြုလူနာ (၉၅)ဦးရှိပြီး အဲဒီထဲက (၈၉)ဦးဟာ ကျန်းမာရေးပြန်လည်လို့ ဆေးရုံဆင်းသွားပြီ ဖြစ်ပါတယ်။ ကုသမှုဆက်လက်ခံယူနေသူ (၆)ဦး ကျန်ရှိပါတယ်။