အော်ဂဲနစ်စိုက်ပျိုးရေးကို တွင်တွင်ကျယ်ကျယ် လုပ်ကိုင်နေတဲ့ အာရှထိပ်တန်း ၅ နိုင်ငံ

၂၉ စက်တင်ဘာ ၂၀၁၉

ဒီနေ့ခေတ် စိုက်ပျိုးရေးမှာ ဓာတုဆေးဝါးတွေ ပိုးသတ်ဆေးတွေနဲ့ ဓာတ်မြေသြဇာတွေ အသုံးများတာက စားသုံးသူတွေရဲ့ ကျန်းမာရေးကို တိုက်ရိုက် သက်ရောက်မှုရှိနေပါတယ်။ ဒါ့ကြောင့် ဓာတုဆေးဝါးတွေ မသုံးဘဲ သဘာဝရင်းမြစ်ကို အခြေခံပြီး စိုက်တဲ့ အော်ဂဲနစ် စိုက်ပျိုးရေးစနစ်ကို ကမ္ဘာ့နိုင်ငံတွေမှာ အသုံးချနေကြသလို အော်ဂဲနစ်စိုက်ပျိုးရေး အသိပညာပေး လှုပ်ရှားမှုတွေလည်း လုပ်နေကြပါတယ်။ ခေတ်တွေတိုးတက်လာတာနဲ့အတူ ကျန်းမာတဲ့ ဘဝနေထိုင်မှုအတွက် အော်ဂဲနစ်စိုက်ပျိုးရေးက အရေးပါလာပါတယ်။

အမေရိကန် လယ်ယာစိုက်ပျိုးရေးဝန်ကြီးဌာန (USDA) က ထုတ်ပြန်တဲ့ ၂၀၁၈ အစီရင်ခံစာအရ အာရှမှာ အော်ဂဲနစ်စိုက်ပျိုးရေးကို တွင်တွင်ကျယ်ကျယ် လုပ်ကိုင်နေကြတဲ့ ထိပ်တန်း (၅) နိုင်ငံ စာရင်းကို ဖော်ပြပေးလိုက်ပါတယ်။

၁။ တရုတ်
တရုတ်နိုင်ငံဟာဆိုရင် အမေရိကန် ဂျာမနီနဲ့ ပြင်သစ်ပြီးရင် အော်ဂဲနစ်စိုက်ပျိုးရေးကို အကျယ်ပြန့်ဆုံး လုပ်ကိုင်နေတဲ့ နိုင်ငံပါ။ ဒါ့အပြင် စတုထ္တမြောက် အကြီးဆုံးအော်ဂဲနစ်အစားအစာ စားသုံးတဲ့ နိုင်ငံလည်း ဖြစ်ပါတယ်။

၂။ အိန္ဒိယ
အာရှမှာ အော်ဂဲနစ်စိုက်ပျိုးရေးစနစ်ကို အသုံးချစိုက်ပျိုးနေတဲ့ ဒုတိယအကြီးဆုံး နိုင်ငံကတော့ အိန္ဒိယပါ။ အိန္ဒိယမှာ အော်ဂဲနစ် စိုက်ခင်းပေါင်း ဧရိယာ ဟတ်တာ ၅ သိန်းလောက် ရှိပါတယ်။

၃။ ကာဇတ်စတန်
ကာဇတ်စတန်နိုင်ငံတစ်လွှားမှာဆိုရင် အော်ဂဲနစ် စိုက်ပျိုးရေးကို အစိုးရရဲ့အထောက်အပံ့နဲ့ ကျယ်ကျယ်ပြန့်ပြန့် လုပ်ကိုင်နေပါတယ်။ အော်ဂဲနစ်စိုက်ခင်းပေါင်း ဧရိယာ ဟတ်တာ ၃သိန်းနီးပါးရှိပါတယ်။

၎။ အင်ဒိုနီးရှား
လူဦးရေ ထူထပ်တဲ့ အင်ဒိုနီးရှားနိုင်ငံမှာလည်း အော်ဂဲနစ်စိုက်ပျိုးရေးနဲ့ အော်ဂဲနစ် အစားအစာတွေကို စားကြဖို့ အသိပေး တိုက်တွန်းထားပြီး တစ်နိုင်ငံလုံးမှာ အော်ဂဲနစ်စိုက်ခင်းပေါင်း ဟတ်တာ ရှစ်သောင်း ရှစ်ထောင်ကျော် ရှိပါတယ်။

၅။ ဖိလစ်ပိုင်
ဖိလစ်ပိုင်နိုင်ငံမှာဆိုရင် အော်ဂဲနစ်စိုက်ပျိုးရေးကို စီးပွားဖြစ် လုပ်ကိုင်နေကြသလို စိုက်ခင်းပေါင်း ဟတ်တာ ရှစ်သောင်းကျော် ရှိပါတယ်။ ဒါ့အပြင် ဖိလစ်ပိုင်အစိုးရကလည်း ၂၀၁၀ခုနှစ်မှာ အော်ဂဲနစ်အက်ဥပဒေကို ပြဌာန်းခဲ့ပြီး အော်ဂဲနစ်အကြောင်းပညာပေးနဲ့ ဖွံဖြိုးတိုးတက်ဖို့ လုပ်ငန်းစဉ်တွေ သတ်မှတ်ရေးဆွဲပေးခဲ့ပါတယ်။

 

Ref : jagranjosh.com

 

DeltaNews Agency

Read Previous

ငရုတ်ကောင်းမြို့မှာ ခိုးဝင်ဘင်္ဂါလီ အယောက် (၃၀) ဖမ်းမိ

Read Next

စွန့်ပစ်အမှိုက်တွေနဲ့ ဖန်တီးထားတဲ့ ဖိလစ်ပိုင်နိုင်ငံက ကျူးလစ်ပန်းခင်းကြီး